Yangiobod tumanida aholi uchun bepul tibbiy ko'rik tashkil etildi

Tuman tibbiyot birlashmasida tashkil etilgan tibbiy ko'rikda viloyatdan tashrif buyurgan malakali shifokorlar tomonidan 300 nafardan ortiq aholi bepul tibbiy ko'rikdan o'tkazildi.

Tibbiy ko'rikka kelgan aholi xirurg, kardiolog, infeksionist, urolog, akusher-ginekolog, LOR, teri-tanosil, terapevt, endokrinolog kabi 20 ga yaqin mutaxassislardan maslahatlar ham oldilar.

Aholini tibbiy ko'rikdan o'tkazish bilan birga, ularga hozirgi vaqtda keng tarqalgan diabet va yurak-qon tomir kasalliklarining oldini olish, profilaktika qilish va davolash usullari, sog'lom turmush tarzi va faol jismoniy harakatning inson salomatligiga hissasi to'g'risida ham tushuntirildi.