Yangiobodda “Xalqlar doʻstligi” kuni nishonlandi
Yangiobodda “Xalqlar doʻstligi” kuni nishonlandi
Bugun yurtimiz boʻylab 30-iyul - “Xalqlar doʻstligi” kuni keng nishonlanmoqda. Shu munosabat bilan Yangiobod tumanidagi Doʻstlik MFY, Chakand qishlogʻida “Farovonlik - tinchlikda, yurt ravnaqi - birlikda” shiori ostida bayram tadbiri boʻlib oʻtdi.
Tadbirda tuman hokimligi hamda masʼul tashkilotlar vakillari, tumanda istiqomat qiladigan, oʻzaro doʻstlik va va hamjihatlikda yashab kelayotgan oʻzbek va tojik millatiga mansub aholi va yoshlar ishtirok etishdi.
Tadbirda soʻz olganlar barchani bayram bilan tabriklab, yurtimizda millatlararo doʻstlik va totuvlikni mustahkamlash, jamiyatimizda hukm surayotgan oʻzaro hamjihatlik va mehr-oqibat muhitini asrash borasidagi ezgu qadriyatlarimiz toʻgʻrisida gapirdilar.
Bayram tadbirida oʻzbek va tojik xalqlari anʼanalarini oʻzida mujassam etgan koʻrgazmalar va kuy-qoʻshiqlar namoyish etildi.
