E'tiborga muhtoj bo'lgan yoshlar va ularning ota-onalari bilan uchrashuv tashkil etildi

Yangiobod tumani hokimi Ibrohim Qarshiboev 1-sektor hududiga qarashli Yangiobod SHFY hamda Sovot QFYda e'tiborga muhtoj bo'lgan yoshlar va ularning ota-onalari bilan uchrashdi.

Ma'lumki, Prezident Shavkat Mirziyoev raisligida yoshlar bilan ishlashning yangicha tizimini joriy etish borasidagi dolzarb vazifalar yuzasidan o'tkazilgan yig'ilishida berilgan topshiriq asosida tumanda davlatning g'amxo'rligiga muhtoj bo'lgan yoshlar ro'yxati shakllantirilib, ular bilan alohida ishlar olib borilmoqda.

Tuman hokimi tomonidan o'ziga biriktirilgan yoshlar birma-bir o'rganilib, ularga zaruriy ko'mak berilmoqda.

Bugun ham Yangiobod SHFY hamda Sovot QFYda yoshlar va ularning yaqinlari bilan suhbatlashilib, ehtiyoj va muammolari yuzasidan amaliy choralar belgilandi.

Xususan, ularning ba'zilarini uchun tibbiy-ortopedik mahsulotlar bilan ta'minlash, ayrimlarining sog'liklarini yaxshilash uchun tibbiyot muassasalarida yo'llanma asosida davolatish xususida kelishib olindi.