Yangiobod tumani hokimi Ibrohim Qarshiboyev Sovot QFYda aholi va yoshlar bilan uchrashdi

Yangiobod tumani hokimi Ibrohim Qarshiboyevning tumanning 1-sektoriga qarashli Sovot QFYda aholi va yoshlar bilan sayyor qabuli boʻlib oʻtdi.

Unda hokim oʻrinbosarlari, tegishli korxona va tashkilot rahbarlari, mahalla masʼullari, aholi va yoshlar ishtirok etishdi.

Muloqot avvalida tuman hokimi mahallada aholi turmush darajasini yanada yaxshilash maqsadida suv tarmoqlari va ichki yo'llarni yaxshilash, aholi bandligini ta'minlash hamda hududda qishloq xo'jaligi sohasida amalga oshiriladigan ishlarga to'xtalib o'tdi.

Ochiq muloqot tarzida oʻtgan sayyor qabul davomida fuqarolarning murojaat va takliflari tinglanib, ularning ijobiy yechimi yuzasidan tegishli raxbarlarga topshiriklar berildi va tuman hokimi tomonidan nazoratga olindi.