Do'stlik mahallasida ham "Yoshlar bog‘i" tashkil etildi

Yangiobod tumanida "Yangi Oʻzbekiston – yashil makonda birga yashaylik!" shiori ostida tashkil etilayotgan kuzgi ko'chat ekish ishlari davomida barcha mahallalarda yangi bog‘lar barpo etilmoqda.

Ayniqsa, yoshlar yetakchilari tashabbusi bilan barcha mahallalar hududida yoshlar bog'lari tashkil etilayotganini e'tirof etish o'rinli.

Xususan, Do'stlik MFY, Chakand qishlog'i hududida ham xuddi shunday "Yoshlar bog‘i" tashkil etilib, tumanning iqlim sharoitiga mos va suvsizlikka chidamli bo‘lgan 400 tup bodom ko‘chatlari ekildi.

Endilikda yana qo'shimcha yer maydoni tayyorlanib, ko'chatlar sonini 600 tupga yetkazish rejalashtirilmoqda.