Yangiobod tumanida Davlat xavfsizlik xizmati kubogi start oldi

Bugun Yangiobod tumanida mahalla yoshlari o'rtasida Davlat xavfsizlik xizmati kubogi uchun sportning futbol va mini futbol turlari bo'yicha musobaqalarning tuman bosqichiga start berildi.

Musobaqaning ochilishiga bag'ishlab tashkil etilgan tadbirda Yangiobod tumani hokimi, sektor rahbarlari, mas'ullar va sport mutasaddilari hamda mahalla yoshlari ishtirok etishdi.

Tuman hokimi Ibrohim Qarshiboyev tadbirni ochib berib, barcha musobaqa ishtirokchilariga omad tiladi va bu kabi sport musobaqalarining yoshlar kamolotidagi ahamiyati haqida to'xtalib o'tdi.

Shundan so'ng ishtirokchilarga musobaqaning shartlari, qonun-qoida va talablari batafsil tushuntirildi.

Yangiobod tumani hokimligi

Axborot xizmati