DXX kubogi uchun sportning mini futbol turi boʻyicha musobaqalarning sektor bosqichi boshlandi

Yangiobod tumanida mahalla yoshlari oʻrtasida "Davlat xavfsizlik xizmati kubogi" uchun sportning mini futbol turi boʻyicha musobaqalarning sektor bosqichi o'yinlari boshlandi.

Bugungi o'yin oldidan tuman hokimi oʻrinbosari Azizbek Nishonov, mahalla raislari hamda sport sohasi vakillari jamoalarga yuzlanib, ularga omad tiladilar va musobaqaning qonun-qoidalari tushuntirildi.

Dastlab tumanning 1-sektor hududiga qarashli Yangiobod SHFY hamda Sovot QFY yoshlari oʻrtasida start olgan musobaqa qizg'in va yorqin lahzalarga boy bo'ldi.

Shiddatli va murosasiz kechgan o'yinning yakuniy natijalariga ko'ra Yangiobod SHFY yoshlari 6:5 hisobiga Sovot QFY jamoasi ustidan g'alabaga erishdi.