Yangiobodliklar tomorqachilikning afzalliklarini yaxshi anglamoqdalar

Yurtimizda tomorqachilikni rivojlantirishga qaratilayotgan e’tibor tufayli, aksariyat Yangiobod tumani aholisi ham bu tizimning afzalliklarini to‘liq anglab yetmoqdalar.

Yangiobod tumanida aholi o'rtasida tomorqa madaniyatini shakllantirish, uni qo‘shimcha daromad manbaiga aylantirish borasida aniq chora-tadbirlar asosida ishlar olib borilmoqda.

Tumanning 1-sektoriga qarashli Sovot QFY To'qboy qishlog'ida istiqomad qiluvchi Rayimqul aka Davronov ham tomorqa oila uchun rizq-ro‘z, qo‘shimcha daromad manbai ekanligini yaxshi bilgan holda, o'z shaxsiy tomorqasidan unumli foydalanib kelmoqda.

Rayimqul aka shaxsiy tomorqa maydonida kartoshka, piyoz kabi ro'zg'or uchun zarur bo'lgan mahsulotlar hamda ko'chatlarning iqlimga xos va serhosil navlaridan o'tqazgan. Shunungdek, qo'shimcha daromad sifatida chorvachilik va parrandachilik bilan ham shug'ullanib kelmoqda.