Yangiobodlik 2 nafar yoshlar respublika olimpiadasida oliy o'rinni egalladi

O'zbekiston Respublikasi Prezidentining 2020-yil 7-maydagi "Matematika sohasidagi ta'lim sifatini oshirish va ilmiy tadqiqotlarni rivojlantirish chora-tadbirlari to'g'risida"gi qarori ijrosini ta'minlash maqsadida shu yilning 21-aprel kuni Toshkent shahrida "Humo Great" hamda "Shosh Akademy" o'quv markazlari hamkorligida "INNOVATSION BOLALAR" shiori ostida Matematika fani bo'yicha Respublika ochiq olimpiadasi bo'lib o'tdi.

Ushbu olimpiadada Yangiobodlik 2 nafar yoshlar - 12-umumta'lim maktabining 4-"A" sinf o'quvchisi Yusufjonova E'zozaxon hamda 7-davlat maktabgacha ta'lim tashkiloti tarbiyalanuvchisi Erkinov Muhammadali o'z bilim va iqtidorlarini namoyish etishib, oliy o'rinni qo'lga kiritdilar va "Diplom" va esdalik sovg'alari bilan taqdirlandilar.