Sovotlik aholi ishtirokida Samarqandga sayohat uyushtirildi

Yangiobod tumani Sovot QFYda yashovchi bir guruh aholi ishtirokida ko'hna va navqiron deya ta'riflanadigan Samarqand shahriga sayohat uyushtirildi.

Sayohat davomida 40 nafardan ortiq otaxon va onaxonlar Samarqandning tarixiy va mahobatli me'moriy obidalari va mustaqillik yillarida barpo etilgan bunyodkorlik inshootlari bilan yaqindan tanishdilar.

Sayohatchilar Go'ri Amir, Registon, Hazrati Xizr, Shohi Zinda, Ulug'bek rasadxonasi kabi qadamjolarni ziyorat qilisharkan, ajdodlarimizning ilm-fan va insoniyat taraqqiyotiga ulkan hissa qo'shganiga yana bir bor guvoh bo'ldilar.