Xalq deputatlari Yangiobod tuman Kengashining 74-sessiyasi bo'lib o'tdi
Bugun Yangiobod tumani hokimligi majlislar zalida Xalq deputatlari Yangiobod tuman Kengashining navbatdagi 74-sessiyasi boʻlib oʻtdi.
Sessiyada Xalq deputatlari tuman Kengashi deputatlari, tuman hokimining oʻrinbosarlari hamda kun tartibidagi masalalarga aloqador tashkilot rahbarlari hamda ommaviy axborot vositalari xodimlari ishtirok etishdi.
Sessiya kun tartibida deputatlar tomonidan “Ochiq budjet” axborot portalida ovoz berish jarayonida g‘olib bo‘lgan tashabbuslarga fuqarolar tashabbusi jamg‘armasi mablag‘larini yo‘naltirish to‘g‘risidagi masala ko'rib chiqildi.
Mazkur masala yuzasidan tuman iqtisodiyot va moliya bo‘limi boshlig‘i vaqtincha vazifasini bajaruvchi I.Normatov yig'ilganlarga axborot berdi.
Ta'kidlandiki, 2024-yil 06-iyuldan – 26-iyulga qadar openbudget.uz veb sayti orqali mavjud mahalliy muammolarni bartaraf etish maqsadida tumanda istiqomat qiluvchilar uchun ahamiyatga ega bo‘lgan jami 93 ta takliflar bildirilgan.
26-iyuldan - 15-avgustga qadar ushbu takliflarning barchasi moderatsiyadan o‘tkazilib, 15-avgustdan – 22-avgustga qadar targ‘ibot ishlari amalga oshirilgan.
Natijada 84 ta tashabbus ovoz berish uchun qabul qilingan, 9 ta tashabbus turli xil sabablarga ko‘ra rad etilgan. 22-avgustdan – 01-sentabrga qadar 84 ta tashabbus ovoz berish jarayonida ishtirok etganligi hamda yakunda 3 ta loyiha eng ko‘p ovoz to‘plab g‘olib bo‘lgan.
Shuningdek, ma'ruzachi 2024-yil 2-mavsumi uchun “Fuqarolar tashabbusli jamg‘armasi”da 4 241 000 (to‘rt milliard ikki yiz qirq bir million) so‘m mablag‘ shakllanganligini ma'lum qildi.
Mazkur masala yuzasidan deputatlarning fikr-mulohazalari tinglanib, tegishli qaror qabul qilindi.
Yangiobod tumani hokimligi
Axborot xizmati
