ДАВЛАТ ХИЗМАТЛАРИ АГЕНТЛИГИ 3 ЁШДА

Бугун Адлия вазирлиги ҳузуридаги Давлат хизматлари агентлиги ташкил этилганига 3 йил тўлди.

Шу муносабат билан Янгиобод тумани Давлат хизматлари маркази директори Абдувоҳид Каримжонов ДХМ тизимидаги барча ходимларни муборакбод этиб, мана шу ўтган қисқа давр ичида юртимизда аҳолига сифатли ва тезкор давлат хизматларини кўрсатиш бўйича кўпгина янгилик ва ютуқларга эришилгани, албатта, бунинг ортида ўз касбини севган, халқ хизматидаги фидойи ва жонкуяр ходимларнинг самарали меҳнатлари ётганини эътироф этди. 

Шунингдек, барча ходимларни халқ ишончини оқлаш йўлида олиб бораётган ишларида улкан муваффақиятлар тилаб, - "Келгусида ҳам марказ томонидан аҳолига қулай ва сифатли давлат хизматлари кўрсатишда бор салоҳият ва имкониятлардан фойдаланган ҳолда давом эттирамиз" - дея таъкидлади.