Янгиобод туманида ҳафтанинг ҳар жума куни - "Тадбиркорлар куни" этиб белгиланди

Янгиобод туманида тадбиркорлар билан ишлаш тизимини янада такомиллаштириш ҳамда уларни ҳар тарафлама қўллаб-қувватлаш мақсадида ҳафтанинг ҳар жума куни "Тадбиркорлар куни" этиб белгиланди. 
Шунга кўра, ҳар жума туман ҳокими ва ҳокимлик мутасаддилари томонидан тадбиркорлар билан учрашувлар ва очиқ мулоқотлар ташкил этилиб, ечимини кутаётган муаммолар юзасидан чора-тадбирлар белгиланади. 
Барча тадбиркорлар ва тадбиркорлик қилиш истагида бўлган фуқаролар ҳафтанинг ҳар жума куни соат 10-00 дан туман ҳокимлигига мурожаат қилишлари мумкин.