Тадбиркорларга қўшимча имтиёзлар берилди
Барчамизга маълумки мухтарам Президентимиз томонидан тадбиркорларга яратиб бераётган кенг кўламли қулайликлар ҳамда тадбиркорларни қўллаб-қувватлаш бўйича етарлича эътибор қаратиб келмоқдалар.
Шуни ўз ўрнида таъкидлашимиз керакки, бугунги кунда тадбиркорларга жуда ҳам катта этибор қаратилиб юртбошимиз томонидан имтиёзлар ҳамда тадбиркорларга қулай шарт – шароитлар берилди.
Президентимизнинг 2021 йил 21 апрелдаги “Тадбиркорликни қўллаб-қувватлаш тизимини такомиллаштириш, ишбилармонлик муҳитини янада яхшилаш бўйича қўшимча чора-тадбирлар тўғрисида”ги ПҚ-5087-сонли қарориларида тадбиркорликни қўллаб-қувватлаш, ишбилармонлик яхшилаш бўйича қўшимча чора-тадбирлар назарда тутилган. Жумладан жорий йил 1 июндан бошлаб:
уч йилдан ортиқ вақтдан буён фаолият кўрсатаётган ҳамда ҳисобланган солиқларни муддатида тўлаб келган, лекин молиявий аҳволига кўра солиқ қарзини тўлаш имкониятига эга бўлмаётган тадбиркорлик субъектларига солиқларни бўлиб-бўлиб тўлаш;
уч йилдан ортиқ вақтдан буён товарларни импорт қилиш билан шуғулланаётган, божхона тўловлари бўйича мажбуриятларини бажариб келган, лекин молиявий аҳволига кўра тўловларни белгиланган муддатда тўлаш имкониятига эга бўлмаётган ташқи иқтисодий фаолият иштирокчиларига божхона тўловларини бўлиб-бўлиб тўлаш ҳуқуқи берилган.
Экспортер ишбилармонларни яна бир муаммоси енгиллаштирилган:
2021 йил 1 майдан бошлаб чет элдан хорижий валютадаги тушум тушиши кечиктирилишига йўл қўйган экспорт қилувчилар ва “эркин муомалага чиқариш” божхона режимида товарларни республикага олиб кириш ва расмийлаштиришни, ишларни бажариш ёки хизматлар кўрсатишни ўз вақтида таъминламаган импорт қилувчилар учун қонунчиликда белгиланган жарима миқдорлари икки бараварга камайтирилади.
Бунда 2021 йил 1 май ҳолатига шаклланган ташқи савдо операциялари бўйича муддати ўтган дебитор қарздорлик учун хўжалик юритувчи субъектларга жарималар қўллаш тўхтатилиб, дебитор қарздорлик вужудга келиш муддатлари 2021 йил 1 майдан бошлаб янгидан ҳисобланади.
Мазкур қарор бизнес юритиш шарт-шароитларни янада яхшилашга хизмат қилади.
Ш.Баратов,
Янгиобод тумани статистика бўлими бош мутахассиси
