Янгиободда Рамазон ҳайити муносабати билан ҳайрия тадбирлари ўтказилди

Рамазон ҳайити байрами муносабати билан Янгиобод туманидаги барча маҳаллаларда эҳтиёжманд оилалар ҳолидан хабар олиниб, уларга зарурий ёрдамлар кўрсатилмоқда.

"Маҳалла" ҳайрия жамоат фонди Янгиобод туман бўлими томонидан Рамазон хайитини муносиб нишонлаш, миллий ва диний қадриятларимизга бўлган ҳурмат ва эътиборни янада мустаҳкамлаш, халқимиз орасида саҳоват, меҳр-мурувват ва ҳамжиҳатликни тарғиб этиш ҳамда эҳтиёжманд ва ёрдамга муҳтож оилаларни қўллаб-қувватлаш мақсадида тумандаги оилавий даромади паст, эҳтиёжманд, боқувчисини йўқотган, оиласида ногирони бўлган 61 та оилаларга озиқ-овқат маҳсулотлари тарқатилди.