Янгиобод тумани ҳокими 20 дан ортиқ эҳтиёжманд оилаларга озиқ-овқат маҳсулотлари тарқатди
Барчамизга маълумки, бугунги кунда мамлакатимизда инсон манфаатларини улуғлаш, халқни рози қилиш ва уларни яхши турмуш шароитларида яшашлари учун имкониятлар яратиш йўлида изчил ислоҳотлар олиб борилмоқда.
Фуқароларнинг яхши яшаши, уларни ҳар томонлама қўллаб-қувватлаш ва оғирини енгил қилиш борасида Янгиобод туманида ҳам барча имкониятлар ишга солинмоқда.
Аҳоли муаммоларни ўрганиш ва уларга зарурий моддий ва ижтимоий кўмак бериш мақсадида туман раҳбари кўрсатмаси асосида барча маҳаллардаги кўмакка муҳтож оилалар маҳалла мутасаддилари ва тегишли секторлар томонидан ўрганилиб, аҳоли эҳтиёжларидан келиб чиққан ҳолда зарурий ёрдамлар кўрсатилмоқда.
Хусусан, бугун Янгиобод тумани ҳокими И.Қаршибоев ташаббуси билан 1-сектор ҳудудидаги Янгиобод ШФЙ ҳамда Совот ҚФЙ ҳудудларида истиқомад қилувчи оилавий даромади паст, моддий ва ижтимоий кўмакка муҳтож “Темир дафтар” ва "Аёллар дафтари"га киритилган оилалар ҳолидан хабар олиниб, 20 дан ортиқ хонадонларга "Саҳоват ва кўмак" жамғармаси ҳисобидан озиқ-овқат маҳсулотлари тарқатилди.
