Янгиободда имконияти чекланганлар учун байрам дастурхони ташкил этилди

Маълумки, 3 декабрь - "Халқаро ногиронлар куни" сифатида кенг нишонланади ва бундан кўзланган асосий мақсад ақлан ва жисмонан имконияти чекланган юртдошларимизнинг ҳуқуқ ва эркинликларини ҳимоя қилиш ҳамда уларни ҳар тарафлама қўллаб-қувватлашдан иборатдир.

Бугун Янгиобод туманида ушбу сана муносабати билан ногиронлар ва якка-ёлғизлар учун байрам дастурхони ташкил этилиб, уларга иззат-икром кўрсатилди.

Тадбирда туман ҳокими Иброҳим Қаршибоев иштирок этиб, меҳмонларни байрам билан табриклади ва уларга совға-саломлар улашди.

Шунингдек, муҳтожлар учун ногиронлик аравачалари ҳам тарқатилди.

Байрам тадбири туман маданият маркази ижодкорларининг дилтортар куй-қўшиқлари билан юқори кайфиятда давом этди.