Янгиободда ҳарбий ватанпарварлик ойлиги доирасида тадбир бўлиб ўтди

Янгиобод тумани марказий ўйингоҳида ҳарбийлар ва ёшлар иштирокида ҳарбий ватанпарварлик ойлиги доирасида тадбир бўлиб ўтди.

Юртимизда тинчлик ва осойишталикни сақлаш борасида амалга оширилаётган ислоҳотларни аҳолига етказиш ҳамда ёшларда мамлакатимиз келажаги учун фуқаролик маъсулиятини ошириш мақсадида ташкил этилган тадбирда сўз олганлар сарҳадларимиз дахлсизлиги ва халқимиз осойишталигини ҳимоя қилишга қодир миллий армиямиз, шунингдек, бугунги кунда ҳарбий соҳага қаратилаётган эътибор, яратиб берилаётган шарт-шароитлар хусусида ёшларга тушунчалар бердилар.

Шундан сўнг 5-чегара қўриқлаш взводи ҳарбий хизматчиларнинг кўргазмали чиқишлари намойиш этилди. Ёшлар ҳарбий техникалар ва қурол-аслаҳалар билан яқиндан таништирилиб, ҳарбийлар ҳаётига оид қизиқарли маълумотларга эга бўлдилар.