Олий Мажлис Қонунчилик палатаси депутати Муқаддас Ўразалиева "Хўжамушкент ота" зиёратгоҳида Зомин тарих музейининг кўчма кўргазмаси билан танишди

Халқимизнинг моддий маънавий бойлиги ҳисобланган тарихий экспонатлар узоқ ўтмишдан сўзлаб тарихни ўрганишимизга ёрдам беради.

Жиззах вилояти, Янгибод туманидаги Хўжамушкент ота зиёратгоҳи тарихий маскан сифатида кўпчиликнинг эътиборини тортган десак хато бўлмайди.

Олий Мажлис Қонунчилик палатаси депутати Ўразалиева Муқаддас Ўктамовна Хўжамушкент зиёратгоҳида Зомин тарих музейининг кўчма кўргазмаси билан танишди. Кўчма кўргазмадан ўрин олган тарихий экспонатлардан уй рўзгор буюмлари сопол кўзалар, мис буюмлар билан танишган депутат қонунчиликдаги маданий меросга оид янгиликлар билан музей ходимларини ва ўқувчиларни таништирди.

Ўша куни ташкил этилган Зомин тарих музейи кўчма кўргазмасига тумандаги ўқувчилар ташриф буюришди. Вилоятимизнинг диққатга сазовор жойларидан бири бўлган Янгиобод тумани "Хўжамушкент ота" зиёратгоҳига саёҳат уюштирилган. Саёҳатдан кўзланган асосий мақсад муқаддас зиёратгоҳлар, маданий мерос объектларига ёшларимизнинг жамоавий ташрифини ташкил қилиш, уларнинг ушбу қадамжолар ҳақида билим ва кўникмаларини янада оширишдан иборат.

Зиёратдан кейин Хўжамушкент аҳолиси билан учрашув ўтказилди.