Янгиобод туман халқ таълими бўлими ташаббуси билан эҳтиёжманд оилаларга озиқ-овқат маҳсулотлари тарқатилди (Видео)

Маълумки, эътиборга муҳтож кишилар ҳолидан хабар олиш, оз бўлсада уларнинг оғирини енгил қилиш, айниқса атрофимиздаги қийинчилик ва синовли дамларни бошидан ўтказаётган инсонларга беғараз ёрдам қўлини чўзиш - халқимизга хос азалий қадриятлардан биридир.

Янгиобод туманида эҳтиёжманд оилалар, ёлғиз кексалар, ногиронлиги бўлган шахслар, бир сўз билан айтганда ижтимоий кўмакка муҳтож фуқароларга доимий эътибор кўрсатилиб, зарурий кўмаклар бериб келинмоқда.

Бугун шу каби эзгу ташаббус Янгиобод туман халқ таълими бўлими томонидан илгари сурилиб, тумандаги умумтаълим мактабларининг директорлари иштирокида анашундай оилаларга озиқ-овқат маҳсулотлари тарқатилди.

Кўрсатилаётган бу каби эътибор ва ғамхўрликдан хонадон эгаларининг кўнгиллари кўтарилиб, юртимизга тинчлик ва юртбошимизга омонлик тилаб қўлларини дуога очдилар.