Murojaatlar ijobiy hal etilmoqda (Video)

Yangiobod tumani hokimi Ibrohim Qarshiboev tumanda fuqarolar manfaatlarini ta'minlash, aholi murojaatlarini tinglash, ularni qiynab kelayotgan muammolarga ijobiy yechim topish va og'irini yengil qilish, shu bilan birga, ularning taklif va tashabbuslarini qo'llab-quvvatlash maqsadida muntazam ravishda aholi murojaatlariga quloq tutadi.

Bugun tuman hokimi qabuliga kelgan Xo'jamushkent QFYda istiqomad qiluvchi, ijtimoiy ko'makka muhtoj fuqaro Manzura Boyzoqova farzandi uchun daromad manbai yaratish maqsadida oilaviy tadbirkorlikni yo'lga qo'yish uchun kredit olishda amaliy ko'mak so'rab murojaat qildi.

Fuqaro murojaatini tinglagan tuman hokimi unga amaliy ko'mak berish to'g'risida tegishli bank rahbarlariga topshiriq berdi va shu kunning o'zida ushbu fuqaroga qonuniy tartibda 5 mln so'm miqdorida kredit mablag'i ajratib berildi.