Болалар учун кўнгилочар концерт дастури намойиш этилди

Янгиобод туманидаги истироҳат боғида туман ҳокимлиги ҳамда туман маданият бўлими ҳамкорлигида 1 июнь - «Халқаро болаларни ҳимоя қилиш куни» муносабати билан кўнгилочар концерт дастури намойиш этилди.

Тадбирда туман маданият маркази қўғирчоқ театри жамоаси томонидан саҳналаштирган театр томошалари, болалар жамоалари томонидан тайёрланган саҳна чиқишлари ҳамда хонандалар томонидан ижро этилган куй-қўшиқлар болажонларга олам-олам қувонч бағишлади.