УЙ-ЖОЙЛИ БЎЛИШНИНГ КОНСТИТУЦИЯВИЙ КАФОЛАТЛАРИ

2023 йил 30 апрель куни ўтказилган Ўзбекистон Республикаси референдумида умумхалқ овоз бериш орқали қабул қилинган янги таҳрирдаги Ўзбекистон Республикаси Конституциясида алоҳида модда қўшилган бўлиб, унга кўра Ўзбекистон Республикаси Конституциясининг 47-моддасида ҳар ким уй-жойли бўлиш ҳуқуқига эга эканлиги, ҳеч ким суднинг қарорисиз ва қонунга зид тарзда уй-жойидан маҳрум этилиши мумкин эмаслиги, уй-жойидан маҳрум этилган мулкдорга уй-жойнинг қиймати ҳамда у кўрган зарарларнинг ўрни қонунда назарда тутилган ҳолларда ва тартибда олдиндан ҳамда тенг қийматда қопланиши таъминланиши белгилаб қўйилган бўлиб, давлат уй-жой қурилишини рағбатлантириши ва уй-жойга бўлган ҳуқуқнинг амалга оширилиши учун шарт-шароитлар яратилиши назарда тутилган. 

Шунингдек, аҳолининг ижтимоий жиҳатдан эҳтиёжманд тоифаларини уй-жой билан таъминлаш тартиби қонун билан белгиланган. Юқоридаги моддага асосланиб хулоса чиқарадиган бўлсак: янги таҳрирда қабул қилинган Ўзбекистон Республикаси Конституциясида инсон ҳуқуқларига янада кенг аҳамият берилаётганлиги, уларнинг уй-жой билан боғлиқ ҳуқуқлари давлат ҳимоясида эканлиги, қонунга зид равишда фуқароларни уй-жойидан маҳрум қилиш мумкин эмаслигини таъкидлаб ўтиш лозим.

Шомурод Бегматов, 

Зомин туманлараро иқтисодий суди раиси