Yangiobodda sport sohasi vakillari ham bog' yaratishdi

Yangiobod tumanida ayni kunlarda uyushqoqlik bilan tashkil etilayotgan "Yashil makon" umummilliy harakati doirasida yangi bog'lar tashkil etilib, ushbu ezgu tadbirlarda mahalla faollarri hamda korxona va muassasalar jamoalari ham tashabbus ko'rsatmoqdalar.

Shu jumladan, Yangiobod tuman sport maktabi jamoasi ushbu loyihaga o'z hissasini qo'shgan holda, 1-sektor hududida yo'l yoqasidagi bo'sh turgan yerga ishlov berib, 200 tupdan ortiq bodom ko'chatining hududimiz iqlimiga mos hamda suvsizlikka chidamli navlaridan o'tqazdilar.

Bog' yaratish jarayonida tashkil etilgan hasharda sport maktabi xodimlari va sport murabbiylari bilan birga mahalla faollari va nuroniylar ham ishtirok etishdi.

Shu kunlarda bu kabi ezgu tadbirlar tumanimizning barcha mahallalarida faollik bilan davom etmoqda.