Сhegara qo'riqlash vzvodida ochiq eshiklar kuni o'tkazildi
Yangiobod tumanidagi DXX chegara qo'shinlariga qarashli 5-chegara qo'riqlash vzvodida yoshlarni vatanparvarlik ruhida tarbiyalash, ular qalbida ona yurtga sadoqat tuygʻularini kuchaytirish hamda boʻsh vaqtlarini samarali va mazmunli oʻtkazish maqsadida ochiq eshiklar kuni o'tkazildi.
Tadbirga tumandagi chegaraoldi hududlarda joylashgan maktab o'quvchilari taklif etilib, yangi tahrirda qabul qilingan "O‘zbekiston Respublikasi Davlat chegarasi to‘g‘risida"gi qonunning mazmun-mohiyati haqida tushunchalar berildi.
Tadbir davomida yoshlar harbiylarning hayot tarzi va ular uchun yaratib berilgan shart-sharoitlar, harbiy texnikalar hamda qurol-aslahalar bilan yaqindan tanishtirilib, kinologiya xizmati xodimlari va xizmat itlarining turli xil chiqishlari ham ular eʼtiboriga havola etildi.
