"Mahallada duv-duv gap" tadbiri Qo'shqand qishlog'ida bo'lib o'tdi

Xabaringiz bor, ayni kunlarda Yangiobod tumanidagi barcha mahallalarda "Yangi hayot uchun, Yangi O'zbekiston uchun!" shiori ostida "Mahallada duv-duv gap" ma'naviy-ma'rifiy ko'ngilochar tadbiri bo'lib o'tmoqda.

Bu galgi tadbir tumanning Havotog' QFY, Qo'shqand qishlog'ida tashkil etilib, unda targ'ibotchilar tomonidan Yangi O‘zbekistonni bunyod etish yo‘lida amalga oshirilayotgan islohotlar hamda erishilayotgan yutuqlar to'g'risida tushunchalar berildi.

Shuningdek, davlatimiz rahbari raisligida oʻtkazilgan Respublika Maʼnaviyat Kengashi yigʻilishida ilgari surilgan ustuvor vazifalar toʻgʻrisida taqdimot namoyish etilib, batafsil tushuntirildi.

Tadbir davomida aholiga xushkayfiyat ulashish maqsadida tuman madaniyat bo'limi san'atkorlari tomonidan konsert dasturi taqdim etildi.