Bolajonlar ishtirokida harbiy vatanparvarlik tadbiri o'tkazildi

Yangiobod tumanida Oʻzbekiston Respublikasi Qurolli Kuchlari tashkil etilganligining 32 yilligi hamda 14-yanvar – Vatan himoyachilari kuni munosabati bilan turli tadbirlar tashkil etilmoqda.

Jajji bolajonlarni yurtga muhabbat hamda ona Vatanni himoya qilishga dahldorlik tuyg'ulari bilan tarbiyalash maqsadida tumandagi "Binafsha" oilaviy nodavlat maktabgacha ta'lim tashkiloti tarbiyalanuvchilari ishtirokida tadbir bo'lib o'tdi.

Vatanparvarlik tadbiri DXX chegara qo'shinlariga qarashli 10-chegara qo'riqlash vzvodida tashkil etilib, jajji o'g'il qizlar harbiylar hayoti bilan tanishdilar. Tadbir davomida vatanparvarlikni madh etuvchi she'rlar va kuy-qo'shiqlar ijro etildi.