“Yosh chegarachilar – 2024” harbiy-sport musobaqasining viloyat bosqichida yangiobodlik yoshlar g'olib bo'ldi

Yoshlarni Vatanga muhabbat, harbiy burchga sadoqat ruhida tarbiyalash, ular o'rtasida sog‘lom turmush tarzini targʻib qilish, chegara xizmatiga qiziqtirish maqsadida chegara oldi hududlarida joylashgan umumta’lim maktablarida tahsil olayotgan chaqiriqqacha tayyorgarlik yoshidagi o‘quvchi yoshlar o‘rtasida “Yosh chegarachilar – 2024” harbiy-sport musobaqasining viloyat bosqichi o'tkazildi.

Quvonarlisi, tanlovda Yangiobod tumani 13-sonli umumta’lim maktabining “Qalqon” jamoasi 1-o'rinni egallab, respublika bosqichiga yo'llanmani qo‘lga kiritdi.

Musobaqa yakunida hamkor tashkilotlar tomonidan musobaqa g'oliblariga diplom, tashakkurnoma va esdalik sovg'alari topshirildi.