"Mahallada duv-duv gap" tadbirlari davom etmoqda

Yangiobod tumanida "Yangi hayot uchun, Yangi O'zbekiston uchun" shiori ostidagi "Mahallada duv-duv gap" tadbirlari davom etmoqda.

Xususan, ushbu tadbir tumanning Sovot QFYda ham tashkil etilib, Yangiobod Ma’naviyat va ma’rifat bo‘linmasi hamda tuman oila va xotin-qizlar bo'limi hamkorligida "Oila mustahkamligi uchun barchamiz mas’ulmiz!" nomli tanlov tashkil etildi.

Tanlov “Eng namunali kelin”, “Eng ibratli oila”, “Eng yaxshi qaynona”, “Eng namunali kitobxon oila”, “Eng namunali kitobxon ona" nominatsiyalari bo‘yicha o'tkazilib, g‘oliblarga Respublika Ma’naviyat va ma’rifat markazi Yangiobod tuman bo‘linmasining faxriy yorliq hamda kitoblar jamlanmalari topshirildi.

Tadbir davomida tuman madaniyat bo‘limi san’atkorlari tomonidan namoyish etilgan konsert dasturi ishtirokchilarga xushkayfiyat ulashdi.