Зулфия номидаги Давлат мукофоти танловининг Янгиобод туман босқичи бўлиб ўтди

Янгиобод туманидаги 19-сонли мусиқа ва санъат мактабида Зулфия номидаги давлат мукофоти танловининг туман босқичи ўтказилди.

Танловда ҳар бир қизнинг орзуси саналган Зулфия номидаги давлат мукофотининг соҳибаси бўлиш истагидаги таълим, фан, адабиёт, маданият, санъат, спорт ва жамоатчилик фаолиятида юқори чўққиларни забт этишга шайланган изланувчан ва интилувчан ёшлар иштирок этишди.

Танлов комиссияси азолари томонидан ҳар бир иштирокчи қизларнинг чиқишларини, уларнинг тайёрлаган ишлари ва сўнги икки йил мобайнидаги ибратли фаолияти, таълим, фан, адабиёт, маданият, санъат, спорт ва жамоатчилик соҳаларидаги алоҳида ютуқларини кўздан кечириб, одилона баҳолаб бордилар.

Якунда иштирокчилар орасидан ғолиблар сараланиб, энг муносиб деб топилган 9 нафар иқтидорли қизлар танловнинг вилоят босқичига йўлланмани қўлга киритдилар.