“Ёшлар туризми хафталиги" доирасида театрлаштирилган томошалар намойиш этилди

Ўзбекистон Республикаси Вазирлар Маҳкамасининг 2022 йил 26 декабрдаги йиғилиш баёнига асосан жорий йил январь ойининг биринчи ўн кунлигида “Ёшлар туризми хафталиги" доирасида қатор тадбирлар ташкил этилиши белгиланган.

Бугун Янгиобод туманидаги 19-сонли болалар мусиқа ва санъат мактабида Жиззах вилоят болалар қўғирчоқ театри ижодкорлари иштирокида "Янги йил саргузаштлари" номли театрлаштирилган томошалар намойиш этилди.

Ҳафталик доирасида ўқувчи-ёшларнинг қишки таътилдаги бўш вақтларини мазмунли ташкил этиш мақсадида ташкил этилган ушбу томошада болалар кўз ўнгида "ҳақиқий" эртак қаҳрамонлари гавдаланиб, томошабинлар қалбига олам-олам қувонч улашди.