"Наврўз" умумхалқ байрами муносабати билан катта байрам шодиёнаси бўлиб ўтди
Бугун Янгиобод туманида халқимизнинг азалий қадриятларини ўзида мужассам этган, яшариш ва янгиланиш, гўзаллик ва нафосат айёми бўлган "Наврўз" умумхалқ байрами муносабати билан катта байрам шодиёнаси бўлиб ўтди.
"Ҳар кунинг Наврўз бўлсин, жонажон Ўзбекистоним" шиори остида бўлиб ўтган байрам тантанаси аввалида туман ҳокими Иброҳим Қаршибоев барча юртдошларимизни байрам билан табриклаб, юртимизга тинчлик, хонадонларимизга тўкин сочинлик тилади.
Байрам шодиёнаси давомида туманимизнинг хушовоз хонандалари, ёш ижрочилар ҳамда "Узумчи" фолклор жамоаси томонидан миллий куй-қўшиқлар ва дилларга баҳорий кайфият олиб кирувчи кўнгилочар саҳна чиқишлари намойиш этилди.
Байрам тадбири миллий спорт мусобақалари, миллий таомлар ва амалий санъат кўргазмалари ҳамда элимиз суйган санъаткорлар ва сўз усталарининг чиқишлари билан кўтаринки руҳда давом этди.
