Yo'l yoqasidagi bo'sh yer maydonida yo'lsozlar tomonidan kichik bog' yaratilmoqda

Yangiobod tumanida uyushqoqlik bilan tashkil etilayotgan "Yashil makon" umummilliy tadbirlari davomida yangi bog'lar tashkil etilib, ushbu ezgu tadbirlarda korxona va muassasalar jamoalari ham tashabbus ko'rsatmoqdalar.

Xususan, tuman yo'llardan foydalanish korxonasi jamoasi ham loyihaga o'z hissasini qo'shgan holda, 1-sektorga qarashli Yangiobod SHFY Saydon ko'chasiga kiraverishdagi hududida yo'l yoqasidagi bo'sh turgan yerga ishlov berib, bodom ko'chatining hududimiz iqlimiga mos hamda suvsizlikka chidamli navlaridan o'tqazmoqdalar.

Shu kunlarda bu kabi ezgu tadbirlar tumanimizning barcha mahallalarida faollik bilan davom etmoqda.