Tuman hokimi Yangiobod SHFYda tashkil etilayotgan "Yoshlar bog'i"ida ko'chat ekishda ishtirok etdi

Ayni kunlarda yurtimiz bo'ylab davom etayotgan “Yashil makon” umummilliy harakati doirasidagi kuzgi ko'chat ekish tadbirlarida Yangiobod tumani yoshlari ham faol qatnashib, barcha mahallalarda "Yoshlar bog'i" tashkil etishmoqda.

Xususan, bugun tumanning 1-sektoriga qarashli Yangiobod shaharchasida 0,50 gektar yer maydoni tayyorlanib, hudud iqlimiga mos hamda suvsizlikka chidamli boʻlgan 250 tup bodom koʻchatlari ekildi.

Tashkil etilgan koʻchat ekish aksiyasida mahalla yoshlari bilan bir qatorda tuman hokimi Ibrohim Qarshiboyev hamda mahalla faollari ham ishtirok etishib, yaxshi niyatlar bilan yangi bog'ga nihol o'tqazdilar.

Bu kabi Yoshlar bogʻlari tumanning 4 ta mahallasida tashkil etilib, qolgan mahallalarda ham ko'chat hamda yerlar hozirlanmoqda.