Tuman hokimining 1-sektor hududida sayyor qabuli o'tkazildi

Yangiobod tumani hokimi Ibrohim Qarshiboyevning tumanning 1-sektoriga qarashli Yangiobod SHFYda aholi va yoshlar bilan sayyor qabuli boʻlib oʻtdi.

Unda hokim oʻrinbosarlari, tegishli korxona va tashkilot rahbarlari, mahalla masʼullari, aholi va jamoatchilik vakillari ishtirok etishdi.

Tadbir avvalida tuman hokimi fuqarolar yig'ini hududida mahalla infratuzilmalarini yaxshilash yo'lida amalga oshirilgan bunyodkorlik ishlariga to'xtalib, bu boradagi ishlarning rejadagi davomi to'g'risida gapirdi. Shuningdek, hududda aholi bandligini ta'minlash, sog'liqni saqlash hamda ta'lim-tarbiya sohasidagi istiqboldagi rejalarga ham to'xtaldi.

Ochiq muloqot tarzida oʻtgan sayyor qabul davomida fuqarolarning murojaat va takliflari tinglanib, ularning ijobiy yechimi yuzasidan tegishli raxbarlarga topshiriklar berildi va tuman hokimi tomonidan nazoratga olindi.