Yangiobod tuman hokimi Sovot QFYda sayyor qabul o'tkazdi

Yangiobod tumani hokimi Ibrohim Qarshiboyev aholi murojaatlariga quloq tutish va ularni rozi qilish maqsadida barcha mahallalarda sayyor qabul, ochiq muloqot va uchrashuvlar o'tkazib kelmoqda.

Tuman hokimining bu galgi sayyor qabuli tumanning 1-sektoriga qarashli Sovot QFYda tashkil etilib, unda hokim oʻrinbosarlari, tegishli korxona va tashkilot rahbarlari, mahalla masʼullari, aholi va yoshlar ishtirok etishdi.

Tadbirda tuman hokimi mahalla hududida amalga oshirilgan bunyodkorlik ishlariga to'xtalib, joriy yilda davom ettiriladigan rejalar xususida to'xtaldi.

Sayyor qabul davomida fuqarolarning murojaat va takliflari tinglanib, ularning ijobiy yechimi yuzasidan tegishli raxbarlarga topshiriklar berildi va tuman hokimi tomonidan nazoratga olindi.