19-sonli musiqa va sanʻat maktabida maʼrifat soati oʻtkazildi

Yangiobod tumanidagi 19-sonli musiqa va sanʻat maktabida “Ilm-fan, taʼlim va tarbiya, maʼnaviyat - biz uchun ustuvor masaladir” mavzusida maʼrifat soati oʻtkazildi.

Maʼrifat soatida tuman Maʼnaviyat va maʼrifat markazi rahbari S.Abdurahmonova ishtirok etib, Prezidentimiz tashabbusi bilan mamlakatimizda maʼnaviy sohada yangi islohotlar davri boshlanganligi, bu islohotlarning mazmun-mohiyati, Prezidentimiz tomonidan belgilab berilgan va islohotlar jarayonida amalga oshirilishi zarur boʻlgan vazifalar xususida maʼlumot berdi.

Shuningdek, maʼnaviy-ma'rifiy islohotlarni amalga oshirishda faol va tashabbuskor boʻlish davr talabi ekanligi taʼkidlandi.