Yangiobod tumani hokimi ko'chat ekish ishlariga o'z hissasini qo'shdi

Yangiobod tumanida "Yashil makon" umummilliy loyihasi doirasida barcha mahallalarda aholi xonadonlari hamda bo'sh maydonlarga mevali va manzarali daraxt ko'chatlari ekilib, yashil maydonlar kengaytirilmoqda.

Xususan, ko'chat ekish ishlari Do'stlik mahallasida ham keng ko'lamda tashkil etilib, mahalla faollari tomonidan bir nechta yangi bog'lar barpo etildi.

Kuni kecha mahallaning Chakand qishlog'ida ham mahalla aholisi ishtirokida katta hashar tashkil etilib, faollar tashabbusi bilan hududdagi bo'sh turgan yer maydoniga ishlov berildi va 200 tupdan ortiq yangi nihollar qadaldi.

Ushbu hasharda tuman hokimi Ibrohim Qarshiboyev ham ishtirok etib, ko'chat ekish ishlariga o'z hissasini qo'shdi.