Energiya resurslaridan qarzdorliklar majburiy undiriladi

Majburiy ijro byurosining Yangiobod tumani boʻlimi tomonidan sud qarorlariga asosan energiya resurslari sohasida qarzdorliklarni undirish boʻyicha bir qator ishlar olib borilmoqda.
Xususan, joriy yilning oʻtgan davri mobaynida “Hududiy elektr tarmoqlari” AJ foydasiga 10 ta ijro hujjatlari boʻyicha 32 mln. soʻm hamda “Hududgaz” AJ korxonalari foydasiga esa 3 ta ijro hujjatlari boʻyicha 16 mln. soʻm qarzdorlik amalda undirilgan.
Shuningdek, sud va boshqa organlar hujjatlariga asosan boshqaruv servis kompaniyalari foydasiga qarzdorliklarni undirish boʻyicha bir qator ishlar amalga oshirilmoqda.
Xususan, joriy yilda boshqaruv servis kompaniyalari foydasiga qarzdorliklarni undirish boʻyicha boʻlimlar ish yurituviga 7 ta 4 mln. soʻmlik hujjatlar kelib tushgan boʻlib, koʻrilgan keskin choralar natijasida 5 ta ijro hujjatlari boʻyicha 1 mln. soʻm qarzdorlik undirilgan.