PASPORTINGIZNI AMAL QILISH MUDDATINI OʻTKAZIB YUBORMANG!
Faoliyatimiz davomida koʻp uchraydigan holatlardan biri pasportning amal qilish muddatini oʻtkazib yuborishdir. Amal qilish muddati oʻtgan pasportni 1 oy ichida almashtirmagan fuqaroga nisbatan jarima qoʻllaniladi.
PF-4262-son Prezident Farmoniga ilova qilib keltirilgan “Oʻzbekiston Respublikasi fuqarosining biometrik pasporti toʻgʻrisida”gi nizomning 11-bandiga koʻra,
- fuqaro pasportining amal qilish muddati tugagandan soʻng yoki familiyasi, ismi, otasining ismi, tugʻilgan yili va millati oʻzgarganda pasportini 1 oy muddatda ID-kartaga almashtirishi lozim.
Fuqaro amal qilish muddati oʻtgan biometrik pasportini oʻz vaqtida ID-kartaga almashtirmasligi — yaʼni, haqiqiy boʻlmagan pasport yoki identifikatsiyalovchi ID-karta bilan yashashi MJtKning 223-moddasiga binoan maʼmuriy javobgarlikka sabab boʻladi.
Bunday huquqbuzarlik BHMning 3 baravari, yaʼni 1 125 000 soʻmgacha miqdorda jarima solishga sabab boʻladi.
Fazliddin Sarimsoqov,
Yangiobod tuman IIB Migratsiya va fuqarolikni rasmiylashtirish guruhi boshligʻi
