Ҳокимнинг битирувчи ёшлар билан учрашувлари давом этмоқда
Аввал хабар берганимиздек, айни кунларда Янгиобод тумани ҳокими Иброҳим Қаршибоев иштирокида барча умумтаълим мактабларида "Ҳоким ва битирувчи ёшлар учрашуви" ташкил этилмоқда.
Хусусан, бугун туманниг Дўстлик маҳалласидаги 8-умумтаълим мактабида бўлиб ўтган учрашувда 6, 8 ва 10 умумтаълим мактабларининг битирувчи ёшлари иштиок этишди.
Учрашувда туман ҳокими Иброҳим Қаршибоев битирувчи ёшларга юзланиб, уларнинг олий таълимда ўқишларини давом эттиришлари ҳамда касб-ҳунар эгаллашлари учун бугунги кунда Давлатимиз раҳбари бошчилигида ҳаётга тадбиқ этилаётган шарт-шароит ва имкониятлар хусусида гапириб, ёшларнинг ўз олдиларига тўғри мақсад қўйишлари лозимлигини айтиб ўтди.
Шунингдек, туман раҳбари битирувчиларнинг мақсад ва режалари борасида бирма-бир суҳбатлашди.
