Янгиободда Қурбон ҳайити арафасида 60 та эҳтиёжманд оилаларга озиқ-овқат маҳсулотлари тарқатилди

Маълумки, байрам арафаларида ўзгалар кўмагига муҳтож ва ёлғиз кексалар ҳолидан хабар олиш, уларни кўнглини кўтариш ҳамда уларга ҳар томонлама ёрдамлар кўрсатиш халқимиз орасида мустаҳкам давом этиб келаётган анъаналардан биридир.

Бугун ҳам Қурбон ҳайити арафасида ҳам хайру саховат, меҳр-оқибат, инсонпарварлик сингари азалий анъана ва қадриятларимизни асраб-авайлаш ҳамда кенг тарғиб этиш, халқимизнинг эзгу ниятлари ва орзу-интилишларини қўллаб-қувватлаш мақсадида Янгиобод туманининг барча ҳудудларида ижтимоий ҳимояга муҳтож оилалар ҳолидан хабар олинди.

Хусусан, Янгиобод туманида яшовчи эхтиёжманд, боқувчисини йўқотган, ногиронлиги бўлган, фронт орти фахрийлари ҳамда "Темир дафтари" ва "Аёллар дафтари"да бўлган оилалар туман хокимлиги ва "Махалла" хайрия жамоат фонди Янгиобод туман бўлинмаси томонидан хабар олиниб, уларга озиқ-овқат махсулотлари тарқатилди.