"Қадриятлари қадр топган она Ватаним, Янгиободим" шиори остида тадбир бўлиб ўтди

Янгиобод туманида бўлиб ўтган "Қадриятлари қадр топган она Ватаним, Янгиободим" шиори остидаги "Sumalak_sayli" маданий-маърифий байрам тадбири давомида ёшлар ўртасида ўзбек халқ миллий ўйинларини кенг тарғиб этиш, уларни спорт соҳасидаги салоҳиятларини намойиш этишларига кўмаклашиш ҳамда рағбатлантириш мақсадида миллий кураш, тош кўтариш ҳамда арқон тортиш каби миллий спорт турлари бўйича ёшлар ўз куч ва салоҳиятларини синовдан ўтказишди.

Шунингдек, қизлар ўртасида "ҳаппак", ўғил болалар ўртасида "ламка тепиш" каби миллий халқ ўйинлари ташкил этилди.

Якунда ғолиблар ва фаол иштирокчилар туман маънавият ва маърифат бўлинмаси томонидан муносиб тақдирландилар.